އިން ނަގާފައި"Stories from the Righteous Salaf"
"އަހަރެން އެވަގުތު ހުރީ އިބުނު އަލްމުބާރަކު އަދި މުޢުތަމިރު ބިން ސުލައިމާނު އަރިހުގައި ތަރާސަސްގައެވެ. އެހިނދު ހަނގުރާމައަށް ތައްޔާރުވުމަށް ގޮވާލެވުނެވެ. ދެން ހަނގުރާމައަށް މުސްލިމުންނާއި ރޫމީންނިކުމެ ސަފުތައް ތަރުތީބުކޮށް އަތުރާލުމާއެކު ރޫމީންގެތެރެއިން ހަނގުރާމަވެރިއަކު ނިކުމެ އޭނާއާއި އިދިކޮޅަށް މީހަކު ނިކުމެ ހަނގުރާމަކުރުމަށް ގޮވާލިއެވެ. އެވަގުތު މުސްލިމު ހަނގުރާމަވެރިއެއްނިކުމެ އޭނާއާއި ކުރިމަތިލިއެވެ. އެހެންނަމަވެސް ރޫމީ ހަނގުރާމަވެރިއާގެ އަތުން މުސްލިމް ހަނގުރާމަވެރިޔާ ޝަހީދުވީއެވެ. އެވަގުތު ދެވަނަ ހަނގުރާމަވެރިއަކު މުސްލިމުންގެ ތެރެއިން ނުކުތެވެ. އޭނާވެސް ޝަހީދުވީއެވެ. މިގޮތަށް ހަމުސްލިމުން އޭނާގެ އަތުން ޝަހީދުވިއެވެ. ދެން އެކާފަރުކަލޭގެ މުސްލިމުންނާއި ކާފަރުންނާއި ދެމެދު ބޮޑާކަމާއި ކިބުރުވެރިކަމާއެކު ހިނގަހިނގާހުއްޓެވެ. އަދި އިތުރު މީހަކު ނިކުތުމަށް ދަޢުވަތު ދެމުން ދިޔައެވެ. ނަމަވެސް އެއްވެސް މުސްލިމަކު އޭނާގެ ކުރިމައްޗަކަށް ނުނިކުތެވެ. އެވަގުތު އިބުނު އަލްމުބާރަކު އަހުރެންނާއި ދިމާއަށް ބައްލަވާލައްވާފައި ވިދާޅުވިއެވެ. "އަހަރެން މަރުވެއްޖެނަމަ މިވެނި މިވެނި ގޮތަކަށް ކަންތައް ކޮށްދޭށެވެ." މިހެން ވިދާޅުވުމަށްފަހު އެރޫމީ ކަލޭގެއާއި ހަނގުރާމަކުރެއްވުމަށް އޭނާގެ ކުރިމައްޗަށް ނިކުމެ ވަޑައިގެންފިއެވެ. އަދި އިރުގަނޑަކު ހަނގުރާމަކުރެއްވުމަށްފަހު އެރޫމީ ކަލޭގެ ޤަތުލުކޮށްލެއްވިއެވެ. އަދި ދެވަނަ މީހަކަށް ހަނގުރާމައަށްދަޢުވަތު ދެއްވިއެވެ. އިބުނު މުބާރަކު ރޫމީންގެ ހަމީހުން ޤަތުލުކުރެއްވިއެވެ. އަދި އިތުރު މީހެއްގެ އިންތިޒާރުގައި ހުންނަވާފައި މީހަކު ނުނިކުތުމުން މުސްލިމުންގެ ސަފުތަކުގެތެރެއަށް ވަދެވަޑައިގެން ނިވައިވެ ވަޑައިގެންނެވިއެވެ. އަދި ކުރިންވެސް ހުންނެވި ތަނަށް ވަޑައިގެން އަހުރެންނަށް ވިދާޅުވިއެވެ. 'އޭ ޢަބުދުﷲ އެވެ. އަހުރެން ދިރިދުނިޔޭގައި ހުރިހާދުވަހަކު މިއަދު މިފެނުނު ކަންތައްތަކުގެ ވާހަކަ އެއްވެސް މީހެއްގެ ގާތު ނުބުނައްޗެވެ.' "
ޔާ ﷲ އަޅަމެންނަކީ ދެއްކުންތެރިކަމެއްނެތް، އިބައިލާހަށް އިޚުލާޞްތެރިކަމާއެކު އަޅުކަންކޮށްއުޅޭ ބައެއްކަމުގައި ލައްވާނދޭވެ. އާމީން
No comments:
Post a Comment